КСС бара покачување на платите согласно зголемувањето на минималната плата
Конфедерацијата на слободни синдикати на Македонија бара покачување на платите согласно покачувањето на минималната плата и свикување на седница на Економско-социјалниот совет (ЕСС) на која ќе биде разгледан овој нивни предлог.
- Конфедерацијата на слободни синдикати на Македонија бара покачување на платите согласно покачувањето на минималната плата поради што ќе се случи порамнување на техничко – помошниот персонал со најниските позиции на носителите на дејност во јавниот сектор и поради што основниот коефициент за пресметка на плата во одредени сектори во јавната администрација ќе бидат под износот на минималната плата, а со тоа се суспендираат и постоечките колективни договори што има многу поголеми последици. Бараме покачување на платите во соодветен процент од 19 проценти заради задржување на распонот на платите на сите категории на јавни службеници, рече денеска на прес-конференција претседателот на КСС Благоја Ралповски.
Тој обвини дека не функционира социјалниот дијалог и оти министерката за труд и социјална политика доставила мислења од ЕСС за покачување на минималната плата без мислење од КСС и без валидни анализи.
- КСС дава недвосмислена поддршка за покачување на минималната плата, но не може да го премолчи фактот на кој се носи и смета дека е прекршена целосната процедура, Законот за работни односи, Законот за минимална плата, каде што точно е прецизиран начинот на кој што ЕСС треба да даде согласност за да тие да поминат во владина и собраниска процедура, рече Ралповски.
Најави преземање на синдикални легитимни радикални мерки доколку, како што рече, повторно бидат игнорирани.
Ново на Сител
-
ВМРО-ДПМНЕ демантира дека разговара за ресори и поделба на власта со „Вреди“
-
ЕУ: Очекуваме соработка со претседателката на Македонија
-
Србија испраќа хуманитарна помош за Газа
-
Бојан Миовски номиниран за фудбалер на годината во Шкотска
-
Излета автомобил од патот Куманово – Скопје, едно лице тешко повредено
-
Драма во Скопје: Претепал жена, а потоа бил агресивен кон полицијата
-
Исчезна Турчинка која престојувала во хотел во Скопје
-
Избувна пожар во куќа во Пласница, зафатена и соседната куќа