Кривична пријава за кичевец за продажба на дрога
Полициската станица од Кичево поднесе кривична пријава против кичевецот Р.В.(40) поради постоење основи на сомнение за сторени кривични дела „неовластено производство и пуштање во промет наркотични дроги, психотропни супстанции и прекурзори“ и „недозволено изработување, држење, посредување и тргување со оружје или распрскувачки материи“.
Како што соопшти МВР, при извршен претрес во домот на Р.В. вчера криминалистичката полиција од Кичево пронашла и одзела растителна материја со зеленкаста боја, најверојатно наркотична дрога марихуана, со маса од околу еден килограм, бела прашкаста материја, најверојатно наркотична дрога кокаин, со маса од околу 20 грама и три куршуми од различен калибар.
Полициските инспектори пронашле и одзеле и други предмети и прибор за користење на наркотични дроги. Пријавениот Р.В., неовластено ги набавил и ги држел во својот дом со цел натамошна препродажба на наркозависници од Кичево.
Одземените предмети се предадени на вештачење во Министерството за внатрешни работи во Скопје.
Ново на Сител
-
Денеска вкупно 29 пожари, активни се уште се 9, меѓу кои и кај Блаце
-
Тема на денот со Мартин Костовски, кандидат за Куманово и организациски секретар на СДСМ
-
Реакции по извештајот за напредокот на Македонија
-
Рокас: Идентитетот и јазикот најдобро се бранат со членство во ЕУ
-
Георгиев: Спречивме Мицкоски да го искористи ЕП за политичка пропаганда
-
Приведени три лица за кои постои сомнение дека подметнувале пожари
-
18 лица побарале помош на Токсикологија како последица од пожарите
-
Обвинувања околу справувањето со пожарите