Кремљ: Путин го информирал германскиот канцелар Шолц за воени злосторства врз цивили во Донбас од страна на украинските сили
Рускиот претседател Владимир Путин во телефонскиот разговор со германскиот канцелар Олаф Шолц укажал на украински напади врз цивилни цели, станбени области во градовите Доњецк и Макеевка, соопшти Кремљ.
Според Москва, украинските оружени сили ракетирале станбени области во двата града, што резултирало со значителен број човечки жртви.
Тие воени злосторства беа игнорирани од Западот, стои во соопштението од Кремљ.
Засега нема независни извори што би ги потврдиле таквите наводи. Русија од почетокот на инвазијата врз Украина на 24 минатиот месец постојано е обвинувана за намерно напаѓање цивилни цели во земјата.
Шолц на чија инцијатива бил реализиран телефонскиот разговор, бил во насока да се изврши притисок за прекин на огнот и што поскоро запирање на непријателствата, се вели во дописот од Кремљ.
Притоа од Путин било истакнато дека се прави се што е можно да се избегнат цивилни жртви. Како пример ги посочил хуманитарните коридори што ги дозволува руската страна за евакуација на населението од зоните каде се дејствува.
Според Кремљ, рускиот претседател го информирал Шолц и за статусот на тековните преговори меѓу Москва и Киев, при што укажал дека „украинската страна го одложувала процесот изнесувајќи нови нереални предлози“.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување