Кралот на Норвешка, Харалд хоспитализиран во Шпанија

Норвешкиот крал Харалд е примен во болница на шпанскиот остров Тенерифе поради инфекција и дехидратација, соопшти норвешката кралска палата.

Кралската палата информираше дека кралот, кој е на приватен одмор во Шпанија заедно со неговата сопруга, кралицата Соња, е во добра состојба.

Личниот лекар на кралот ќе отпатува за Тенерифе за да им помага на локалните здравствени служби, додаде институцијата.

Харалд (82) е најстариот монарх во Европа и е церемонијален шеф на државата на Норвешка од 1991 година.

- Му посакувам на нашиот крал брзо закрепнување – изјави премиерот Јонас Гар Стере за норвешката јавна телевизија НРК.

Харалд претходно беше хоспитализиран во 2024 година поради инфекција за време на одмор во Малезија, каде што во локална болница му беше вграден привремен пејсмејкер. Подоцна тој беше префрлен во Норвешка, каде што му беше имплантиран траен уред.