Ковачки: Договорот со Бугарија ја поларизираше состојбата и недовербата меѓу двата народи

Власта да не бега од референдумот и да не се обидува да го опструира.  

Јасно е дека изворот на сите проблеми е договорот со Бугарија којшто наместо да е договор за добрососедство е договор што дополнително ја поларизираше состојбата помеѓу двете држави, а за жал ја зголеми недовербата и нетрпението и помеѓу двата братски народи. 

Не може да дозволиме преку распродажба и ретуширање на историјата на која инсистира Бугарија и која е дел од договорот што го потпиша Заев, да биде услов за напредок и развој на Македонија.  

Македонија е европска држава и заслужува да биде дел од западната цивилизација, но не под услов на обезличување на кое се подготвени и кое го прават предавничко-криминалната коалиција на СДСМ и ДУИ.   

Доколку власта е убедена дека нивните политики се успешни и дека се‘ уште ја имаат поддршката од тие 320.000 гласови што ги имаа на изборите во 2020 година, тогаш нема потреба да се плашат и треба да одиме на референдум, па народот нека се изјасни дали е за или против самоукинувањето што го подготвија ДУИ и СДСМ. 

ФБ статус на членот на ИК на ВМРО-ДПМНЕ, Драган Ковачки

Центар за комуникации на ВМРО-ДПМНЕ