Косовски Србин осуден за воени злосторства
Суд во Косовска Митровица го осуди на шест години и шест месеци затвор Зоран Вукотиќ, под обвинение за извршени воени злосторства во 1999 година, јави дописникот на МИА од Приштина.
Одлуката претпладнево во митровичкиот Суд ја објави Судски совет на Мисијата на ЕУЛЕКС.
Вукотиќ е прогласен за виновен по три точки од обвинението, кои го товарат за тортура врз затворениците во затворот во Смреконица во 1999 година. Истовремено тој е ослободен од обвинението дека учествувал во злосторства во селата Горно и Долно Студиме крај Вучитрн.
Според обвинението подигнато од Специјалното обвинителство на Косово, Вукотиќ меѓу 2 и 3 мај 1999, во својство на припадник на резервниот состав на српската полиција, учествувал во напад врз цивилно албанско население кое патувало во колона од двете споменати села.
Тој исто така е обвинет дека во јуни 1999, како резервист во полициската станица во Вучитрн и како затворски чувар, во соработка со други членови на српските сили, учествувал во незаконско притворање на голем број цивили Албанци, при што тие биле изложени на нечовечен третман, големи страдања, тортури и претепувања, за кои Вукотиќ сноси лична одговорност.
Пред неколку дена во истиот Суд беше изречена ослободителна пресуда за Вукотиќ, по обвинението за убиство на четворица Албанци во Вучитрн.
Ново на Сител
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата
-
78-годишен тетовчанец тешко повреден во сообраќајка
-
Утре и задутре локални врнежи, во недела стабилно и потопло