Контрола на влезовите на супермаркетите во Грција, едно лице на десет метри квадратни
За да се избегне и намали метежот кои во изминатите денови се забележуваат во грчките супермаркети, грчката влада од утре воведува нови мерки, контроли на влезот, а во внатрешноста да има ограничување на бројот на муштерии, односно едно лице на десет метри квадратни, јави дописничката на МИА од Атина.
-Од понеделник ќе има контрола на влез. Сметаме дека ситуацијата ќе се врати во нормала оваа седмица. Во исто време, ќе ставиме и ограничување на бројот на луѓето што може да бидат во просторот, согласно со метрите квадратни на супермаркетите, рече заменик министерот за развој на Грција Никос Паптанасис, говорејќи за грчката телевизија „Open“ и додаде дека во редиците, не треба да има над пет лица.
Папатанасис им порача на граѓаните дека Храна постои, лекови постојат, а бензинските пумпи нема да затворат.
Објасни дека сега веќе им се дава можност на сите ресторани да работат и со достава (delivery), а тоа можат да го сторат и супермаркетите, па дури и во недела кога продавниците се затворени.
Паралелно, владата донесе одлука за уште неколку превентивни мерки, меѓу кои и: едно лице на 10 метри квадратни во супермаркетите; секоја продавница на влезот и излезот да има алкохолна течност за дезинфекција на рацете на потрошувачите, вработените да носат ракавици; растојание од два метра меѓу муштериите на касите; избегнување на употреба на готовина при купувањето.
Ново на Сител
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек