Којзеклиска:Заев и неговите најбиски соработници тежат над 40 милиони евра
Зоран Заев и неговите најбиски соработници тежат над 40 милиони евра, изјави денеска Марија Којзеклиска од ВМРО-ДПМНЕ.
- Толкав е имотот на првиот ешалон во Владата стекнат, како што самите велеа, во режим. Само Заев и министрите поседуваат над 50 луксузни станови, куќи, викендици и хациенди во државата и странство во вкупна површина од над 8.000 метри квадратни или цела 15 катница, изјави Којзеклиска.
Самопрогласените жртви на режимот, продолжи таа, имаат возен парк на кои може да им позавидат и арапските шеици, 35 луксузни автомобили меѓу кои може да се сретнат елитните марки Масерати, Порше, Мерцедес и Ауди, во вкупна пријавена вредност од над 700.000 евра.
- Самопрогласените жртви на режимот поседуваат и уметнички слики, брендирани часовници и накит во вредност од над 300.000 евра. Паднаа сите маски, излегоа на површина сите лаги и манипулации. Додека СДС обвинуваше за режим и диктатура нивните функционери ги полнеле банкарските сметки и си купувале милионски имот во земјата и странство, изјави Којзеклиска.
Посочи дека со објавувањето на анкетните листови од страна на Заев и неговите министри, граѓаните можат да видат дека додека тие обвинуваа за режим, диктатура и неправда направиле огромен имот недостижен за мноштвото граѓани.
- Додека Заев зборуваше за режим неговите фирми свртеле над 200 милиони евра, а неговото семејство по негово признание направило богатство од 6-7 милиони евра, додека неговиот министер газда Кочо во режим успеал да направи дури 28 милиони евра капитал. Додека зборуваше за режим Шекеринска купила 4 стана. Роберт Поповски успеал во диктатура да направи богатство од 300.000 евра, да има три стана и една куќа. Шапуриќ, Самка и Зорица Апостолоска стекнале имот од околу 1.5 милиони евра. Никола Димитров успеал да стекне над 800.000 евра капитал, а неговиот колега Спасовски 300.000 евра, сето тоа додека им зборуваа на граѓаните дека нема еднакви можности и дека во Македонија владее режим, изјави Којзеклиска.
Според Којзеклиска Владата на СДСМ не е на граѓаните, туку е на елитите.
Ново на Сител
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО
-
ВИ: „Мона Лиза“ рапува