„Ќе ти ги убиеме децата“, уапсен маж кој се заканувал на српскиот претседател Вучиќ

Според објавите на српските медиуми утрово, полицијата, по наредба на Вишото јавно обвинителство во Белград, Специјално одделение за високотехнолошки криминал, го уапсила М.Т. за кривично дело загрозување на безбедноста.

М.Т., за кој се вели дека се претставува како Младен Тањга на социјалните мрежи, наводно објавил стихови на Твитер (Х) „во кои директно му се заканува на семејството на претседателот Александар Вучиќ“.

М.Т. е осомничен дека преку социјалните мрежи упатувал застрашувачки закани до претседателот Александар Вучиќ, како и до претседателката на Собранието, Ана Брнабиќ. Тој е обвинет дека напишал пораки на социјалните мрежи во кои пишува: „Ќе го убијам татко ти, ќе ја заколам мајка ти, ќе ги мачам братот, синот и ќерката…“.

Осомничениот и се заканувал дека ќе ја убие Ана Брнабиќ.