Џет-Сет
25. January 2016 - 15:16

Ќе направи големо шоу, Џаро влегува на „Фарма“

Прославениот менаџер Велибор Џаровски Џаро влегува во реланото шоу „Фарма 7“ но тврди дека нема да се натпреварува за главната награда од 50.000 евра.

Човекот кој, како што сам признава, наместил над 80 фудбалски натпревари во поранешна Југославија, и едно време им беше естраден менаџер на ѕвездите како Здравко Чолиќ, Мишо Ковач, Оливер Драгојевиќ, Тереза Кесовија, не сака да се натпреварува за прво место, зошто, вели тој, сите ќе мислат дека таквиот исход е наместен.

-Ни ТВ Пинк ниту јас не сакаме таков исход. За меото име се врзуваат афери, па и да победам, никој нема да верува дека натпреварувањето било регуларно, вели Џаровски.

Тој додава дека со продукцијата лесно ќе се договорат за неговиот хонорар.

-Ќе земам пари колку што ќе ми дадат. Мене парите не ми се битни. Ми беа потребни додека бев млад и здрав. Сега ми треба многу малку - да им купам по некое чоколадо на внучињата и тоа е тоа. Одлучив да влезам во реалното шоу на Пинк затоа што сакам предизвици, вели Велибор Џаровски Џаро.