Кина го разгледува американскиот извештај за шпионски балон над САД и Канада и повика на смиреност
Кина денеска соопшти дека ги разгледува американските извештаи дека кинески шпионски балон бил забележан како лета над воздушниот простор на САД и повика на смиреност.
Портпаролот на кинеското Министерство за надворешни работи, Мао Нинг, изјави дека нема информации дали ќе се одржи планираната посета на американскиот државен секретар Ентони Блинкен на Кина.
-Кина е одговорна земја и секогаш строго го почитува меѓународното право и нема намера да ја нарушува територијата и воздушниот простор на која било суверена земја. Што се однесува до балоните, ја разгледуваме и проверуваме ситуацијата и се надеваме дека двете страни ќе се справат со тоа мирно и внимателно, рече Мао.
САД и Канада денеска соопштија дека следеле шпионски балон што летал на голема височина над Северна Америка и над чувствителни воени локации.
Пентагон синоќа соопшти за присуство на балон во воздушниот простор на САД, за кој се верува дека е кинески, а канадската Влада денеска објави дека истражува „уште еден потенцијален инцидент“.
Блинкен денеска требаше да пристигне во Кина во услови на зголемени тензии меѓу Пекинг и Вашингтон околу трговијата, Тајван, човековите права и територијалните претензии на Кина во Јужното Кинеско Море.
Ново на Сител
-
Ново баварско славје во Бундес лигата, тага во Дортмунд
-
Тема на денот со сенаторот Крис Марфи
-
Поради лошите временски услови пчелариите очекуваат 30% помалку мед
-
Ковачевски и Мицкоски на лидерска средба ќе се договараат за уставните измени и односите со соседите
-
Синдикатот подготвува протести, правда ќе бараат и пред Уставниот суд
-
Почна полагањето на државната матура
-
Матурантка од охридската гимназија ја нема на списокот за матура, родителите бараат oдговорност
-
Градоначалникот на Гази Баба загрижен за децата кои ќе одат во градинката „Детска Радост“