Киев ја разгледува можноста за излез од ЗНД

Киев ја разгледува можноста за излез на Украина од членството на Заедницата на независни држави (ЗНД), изјави шефот на украинската дипломатија Павел Климкин. 

Климкин истакна дека е доследен поддржувач за излез од Заедницата. 

- Го разгледува прашањето за излез. Имаме неколку десетици договори на кои се однесуваат, на пример на, взаемното признавање на дипломи, исплатата на пензиите. И сега ја завршуваме работата која ќе ни овзможи да ги регулираме тие договори. Се надеваме дека ќе успееме да управуваме со тие договори одвоено, и тогаш ова прашање ќе биде повторно актуелно, нагласи шефот на украинската дипломатија. 

По смената на власт во Украина во февруари 2014 година, новото раководство на земјата објави дека има намера да се откаже од учеството на работата на ЗНД. 

Киев подоцна од извршниот комитет на организацијата го отповика својот претставник Анатолиј Дронј.