Кери на почетокот на декември во посета на Западен Балкан
Американскиот државен секретар Џон Кери наредната недела ќе престојува во Европа и во Западен Балкан, а на 3 декември во Белград ќе учествува на состанокот на министри на ОБСЕ, соопшти Стејт департментот.
Како што се наведува во соопштението, прво Кери, на 30 ноември, ќе му се придружи на претседателот Барак Обама на Самитот за климатски промени кој ќе биде одржан во Париз, а потоа на 1 декември во Брисел ќе учествува на состанокот на шефовите на дипломатијата на државите-членки на НАТО.
Од Брисел, Кери патува за Приштина, каде ќе разговара со тамошните официјални претставници.
Државниот секретар на САД, потоа ќе допатува во Белград, каде на 3 декември ќе учествува на состанокот на министри на ОБСЕ, а ќе има и состанок со претставниците на цивилното општество од државите кои се членки на организацијата.
Кери на 3 декември ќе ја посети и Никозија каде ќе има билатерални состаноци, но и средба со лидерите на кипарските Турци и Грци со цел да ги охрабри да ги продолжат приговорите.
Потоа на 4 декември ќе ја посети Атина каде со претставниците на грчката влада ќе разговара за билатерална прашања, вклучувајќи ја миграциската криза и економските теми.
Ова инаку ќе биде прва посета на Кери во регионот на Западен Балкан во функција на американски државен секретар.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка