Кери: Асад препрека за идното раководство на Сирија

Американскиот државен секретар Џон Кери изјави дека САД, Иран, Русија и Европа се согласуваат дека Сирија би требало да биде единствена и дека Сиријците треба да изберат свое идно раководство, но дека „претседателот Башар ал Асад е единствена препрека за тоа“.

Кери истакна дека различните сили кои се заинтересирани за решавање на судирите во Сирија се согласуваат во истото, но „нешто стои на патот за да може брзо да се тргне во спроведување“.

- И тоа е лицето кое се нарекува Асад, Башар ал Асад, рече Кери во Берлин, на маргините на состанокот со шефот на германската дипломатија Франк Валтер-Штајнмаер.