Камерите на депонијата во Босилово снимија маж како ја потпалува
Камерите поставени на депонијата во Босилово „уловија“ несовесен граѓанин како ја потпалува. Огнот бил изгаснат, а случајот бил пријавен.
Според градоначалникот на Општина Босилово, Ристо Манчев, вакви постапки не се дозволени.
-Без разлика дали намерата била да се запали цела депонија или само одредени предмети за да се собере старо железо, ваквите постапки не се дозволени, вели Манчев.
Општина Босилово од неодамна целосно ја огради депонијата кај Босилово, постави соларни камери, порта за влез и излез на возила за складирање на отпадот со кое сакаат да ги спречат несовесните граѓани од палење на отпадот со што се создава загадување на воздухот и неподнослива миризба.
Од општината апелираат на совесност и одговорност од секој граѓанин затоа што сите се запознаени за проблемот и последиците со кои се соочуваат граѓаните на Босилово од горењето на депонијата.
Инаку, Општина планира планира следната година во летниот период депонијата да биде затворена, односно ќе воведе систем на контролирано фрлање на отпадот исклучиво за граѓаните од населено место Босилово.
Ново на Сител
-
Приведени две лица во Чашка за поткуп при избори
-
Приведени две лица поради основи на сомнение за поткуп при избори во Чашка
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи