Камерен концерт и работилница на ФМУ во рамки на 39. ДММ

На третата фестивалска вечер од 39. Денови на македонска музика ќе биде одржан камерен концерт „2:3“ во Музеј на Град Скопје, со изведба на композиции од пет македонски автори.

На програмата се дела од Борјан Цанев, Тодор Трајчевски, Драган Стојковски, Гоце Симоновски и Љубомир Бранѓолица. Ќе настапат виолинистите Симон Поповски и Александар Иванов, пијанистите Сара Николовска-Пројковска, Марија Вршкова и Емилија Попивода, флејтистката Марија Јакимовска, кларинетистите Љупчо Чедомирски и Игор Бакревски, Нинослав Димов на саксофон, Татјана Петрушевска на обоа и Марјан Милошевски на фагот. 

На Факултетот за музичка уметност, пак, денеска претпладне ќе се одржи работилница со студентите по композиција на ФМУ.