Јужна Кореја против повлекување на американската војска од државата

Јужнокорејскиот претседател Мун Џае-ин ја отфрли идејата за повлекување на американските војски од државата по потпишување мировен договор со Северна Кореја, јави Јонхап. 

- Присуството на американски војски во Јужна Кореја е прашање поврзано со сојузот меѓу двете држави и нема никакаква корелација со потпишувањето мировен догвоор со Пјонгјанг, изјави Мун.

На историската средба на врвот во пограничното село Панминџон во петокот, Мун и севернокорејскиот лидер Ким Џонг-ун се договорија да работат на склучување мировен договор, со кој официјално ќе се стави крај на Корејската војна (1950 – 1953).

Во Јужна Кореја има стационирани 28,5 илјади американски војници.