ЈП Водовод и канализација спроведува акции за исклучување на диви приклучоци
ЈП Водовод и канализација – Скопје информира дека во последната спроведена акција за утврдување и исклучување на диви приклучоци на водоводната мрежа, диви приклучоци биле утврдени во Глумово, Шишево и Сарај и оти против сите иматели се поткренати прекршочни пријави.
-ЈП Водовод и канализација – Скопје, потсетува дека со дивите приклучоци се нанесува директна штета на системот за водоснабдување и на квалитетот на водоснадбувањето до сите корисници во град Скопје. Претпријатието исто така апелира и ги повикува граѓаните на одговорно однесување, отстранување на дивите приклучоци и регуларно поднесување на барања за водоводен приклучок доколку за тоа имаат потреба, се вели во соопштението од ова јавно претпријатие.
Оттаму велат дека овие акции ги спроведуваат со цел за заштита на системот за водоснабдување, но и на граѓаните кои регуларно и редовно ги извршуваат своите обврски кон претпријатието.
-Дивите приклучоци се забранети со Закон (Закон за водоснадбување, член 23) и истите се утврдуваат од страна на овластен комунален инспектор на општината и на Градот (Закон за водоснадбување, член 37), врз основа на што за сите утврдени иматели на див приклучок ќе биде поткрена прекршочна постапка за сторено кривично дело, велат од ЈП Водовод и канализација – Скопје.
Ново на Сител
-
Директорката Иљази им забрани на вработените да даваат изјави за медиумите
-
Безживотно тело на маж извлечено од водите на Вардар во центарот на Скопје
-
Земјоделци од селата Иловица и Штука го блокираа патот заради ниските откупни цени на младиот компир
-
Намален бројот на превезени патници во патниот сообраќај во првиот квартал
-
Денеска и утре нестабилно со пороен дожд
-
Почина 32-годишник, излетал од патот со автомобил
-
Општина Карпош демантира дека издала одобрение за забавниот парк кај „Борис Трајковски“
-
ССМ: Синдикална минимална кошница за мај 60.090 денари