Јапонец ја создаде најточната мапа на светот

Картата на светот која е дело на Јапонецот Хаџиме Нарукава, е кандидат за досега најдобрата можна дводимензионална проекција на нашата планета.

Најпознатата проекција на мапи досега, онаа на фламанскиот картограф Џералд Меркатор, наречена Меркаторов принцип, е позната по тоа што најсеверните и најјужните земји се прикажани поголеми отколку што навистина треба да бидат според размерот.

Тоа е така, поради прецизноста на меридијаните и напоредниците, за тие секогаш да бидат под агол од 90 степени. Така, некому може и да не му се допадне тоа што, на пример - Аљаска, Гренланд или Русија се претставени несоодветно поголеми.

Новата мапа на јапонскиот архитект, насловена „Автографичка мапа“, го претставува секој дел од светот точно и пропорционално еднаков.

Мапата веќе е во продажба и може да се купи во разни големини.