Израелски воени авиони нападнале цели во Сирија
Авиони на Военото воздухопловство на Израел синоќа ракетирале цели во Сирија, а потоа биле нападнати со противавионски ракети, соопшти израелската армија.
Во соопштението на изралеската армија стои дека авионите погодиле неколку цели, пред да бидат нападнати со противавионските ракети. Израелската противвоздушна одбрана пресретнала една од нив.
Се дополнива дека во ниту еден момент не била загрозена безбедноста на израелските граѓани или на пилотите.
Весникот „Хаарец“ пишува дека Израелците собориле сириска противвоздушна ракета во северниот дел.
Претходно, беше јавено дека израелската територија во долината на реката Јордан била цел на ракетен напад.
Израелската армија наведе дека синоќешниот инцидент бил причина за вклучлување на сирените во еврејските населби на Западниот Брег.
Израел во голема мерка не е погоден од сириската војна и само понекогаш до неговата територијата близу границата паѓаат залутани гранати, на што тој вообичаено не возвраќа.
„Хаарец“ пишува дека, сепак сегашниот инцидент е најсериозен меѓу двете земји од почетокот на граѓанската војна во Сирија пред шест години.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228