Израелската армија соопшти дека открила тунел на Хамас под болницата Ал Шифа и дека загубила уште пет војници
Израелската армија денеска соопшти дека открила тунел на Хамас под болницата Ал Шифа во Појасот Газа и дека загубила уште пет војници во конфликтот со исламистичкото движење на палестинска територија, пренесуваат странските агенции.
Во коминикето се наведува дека утврдениот објект е долг 55 метри и се наоѓа на длабочина од 10 метри. Според израелската армија, тунелот бил користен „за терористички цели“.
„Стрмните скали водат до влезот на тунелот, опремени со неколку средства за заштита, вклучително и блиндирана врата“, соопшти израелската армија. Таа наведува дека „терористите на Хамас го користат овој тип на врати за да ги спречат израелските сили да влезат во (нивните) командни центри“.
Тунелот е откриен во болничкиот комплекс под хангар за оружје, меѓу кое и „фрлачи на гранати, експлозиви и автомати „Калашников“, наведува војската.
Израелската армија, исто така, објави дека „дала уште пет жртви во конфликтот со Хамас“. Со ова вкупниот број израелски војници загинати од почетокот на војната во Појасот Газа пред шест недели достигна до 64.
Од средата, израелската армија ја пребарува медицинската установа, барајќи таму воена база на Хамас.
Според Светската здравствена организација, десетици пациенти остануваат во Ал Шифа, најголемата болница во Појасот Газа.
Ново на Сител
-
76-годишна прилепчанка измамена за 380.000 денари - ја убедиле дека внука ѝ ќе оди во затвор
-
Оштетен автомобилот на скопјанка по тепачка со жена на Бит Пазар
-
Скопјанец нападнат од својот малолетен внук
-
Зеленски: Украина стори се што беше можно да ги отвори преговорите со ЕУ во јуни
-
СЗО: Медицинска помош не е влезена во Газа од израелското заземање на преминот Рафа, на 6 мај
-
Словачкото обвинителство побара притвор за напаѓачот на премиерот Фицо, судот за тоа ќе одлучува утре
-
УЈП ги потсетува граѓаните да ги проверат своите годишни даночни пријави за 2023
-
Тешко повредено едно лице откако српско возило излетало од автопатот Неготино - Демир Капија