Истражување: Секое четврто лице во светот можеби нема да добие вакцина против Ковид-19 до 2022 година
– Речиси едно од четири лица може да не примаат вакцина против Ковид-19 барем до 2022 година затоа што богатите земји со помалку од 15 проценти од светската популација имаат резервирано 51 процент од најперспективните дози на вакцини, соопштија истражувачите од Школата за јавно здравје „Џонс Хопкинс“ во САД.
Тоа би значело дека остатокот од вакцината ќе треба да биде „поделен“ од земјите со низок и среден приход, дом на повеќе од 85 проценти од светската популација, велат истражувачите. Според нив, ефективен пандемиски одговор бара земјите со високи примања да учествуваат во правична дистрибуција на вакцините низ светот.
„Несигурноста во врска со глобалниот пристап до вакцините за Ковид-19 се следи не само за време на клиничките испитувања, туку и поради неуспехот на владите и производителите на вакцини да бидат потранспарентни и одговорни во однос на овие аранжмани“, сметаат истражувачите.
Студијата исто така наведува дека заклучно со 15 ноември, земјите со високи приходи нарачале скоро 7,5 милијарди дози вакцини од 13 производители, вклучувајќи ги Јапонија, Австралија и Канада, кои заедно имаат повеќе од милијарда дози, но сочинуваат помалку од 1 процент тековни нови случаи на коронавирус.
Дури и ако вакцините од водечките производители го достигнат предвидениот максимален капацитет за производство, скоро 25 отсто од светската популација може да не прими вакцина уште една година или повеќе. Истражувачите на Џонс Хопкинс, исто така, сметаат дека Ковакс, како институција на Светската здравствена организација-СЗО, може да има клучна улога во обезбедување поправеден пристап до одобрени вакцини, иако обезбеди само 500 милиони дози или далеку под целта за доставување на најмалку 2 милијарди дози до крајот на 2021 година.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228