Ирачката полиција им забрани на жените од Мосул да носат „никаб“ од безбедносни причини
Полицијата во ирачкиот град Мосул денеска на жените од градот им забрани да носат „никаб“, покривката за целото лице на жената, и тоа во реоните ослободени од Исламска држава.
Мерката е осмислена од безбедносни причини, бидејќи постои опасност оваа женска облека да се искористи за упади на членови на екстремистичката милиција, пренесоа ДПА и ТАСС, цитирајќи ја наредбата на шефот на полицијата во северната провинција Нинава - Ватик ал Хамдани.
-Одлуката е донесена по обидите за упади на елементи од ИД, преоблечени во женска облека, се посочува во изјавата на полицискиот началник.
Радикалната група го зазеде Мосул со изненедувачки напад кон средината на 2014 година,а во јануари годинава Ирак соопшти за „ослободување на источниот дел на градот“, потсети ДПА.
Забраната за носење никаб важи на јавните места, по централните улици и плоштади на Мосул, како и на пазарите, посочува ТАСС.
Полициската управа соопшти дека „борците од ИД, чии цели се мирните граѓани, се појавуваат преоблечени во женски алишта и со никаб, за извршување на терористички напади на места каде се собираат жителите на Мосул“.
Ново на Сител
-
Управен суд ја запре постапката за жалбата на коалицијата Вреди
-
Тема на денот со Јанаки Митровски, адвокат
-
Се крои владината коалиција со Вреди - ВМРО-ДПМНЕ веќе сама обезбеди 61 пратеник
-
Мицкоски во јавните настапи ќе користи „Македонија“ и „македонски“
-
Управен суд ја запре постапката за жалбата на коалицијата Вреди
-
Поради недоаѓање на сведоците одложено рочиштето за Пендиков
-
Корупцијата и неефикасната администрација - најголем проблем за германските инвеститори
-
Палчо ја помина првата вечер во притвор во „Шутка'', од неговата партија бараат биохемиска анализа на оброците