„iPhone“ од 2007-ма продаден за 190,000 долари
„iPhone“ од првата генерација со „4GB“ меморија од 2007--ма година постигнал рекордна сума на аукција, оставајќи ги претходните рекорди далеку зад себе.
Многу ретката верзија на „iPhone“ моделот од првата генерација со 4 GB меморија од 2007. година постигнала рекордна цена на неодамна одржана аукција. Неговата вредност ги надминала сите претходни рекорди, со што овој модел станал најскап телефон во историјата продаден на аукција.
Овој викенд, во организација на аукциската куќа „LGC Auctions“, понуден е „iPhone“ од првата генерација, но овој пат како уште поголем раритет – станува збор за недопрен модел со 4 GB простор за складирање.
Како што велат од аукциската куќа, оригиналниот „iPhone“ од 4 GB долго време бил светиот грал на колекционерите на технолошки производи, со оглед дека првобитно е произведен во многу количини.
Не се продавал добро ни во 2007-ма година, бидејќи купувачите лесно давале дополнителни 100 долари за двојно повеќе меморија. Како резултат на тоа, овој модел е повлечен од производство само два месеци откако е пуштен во продажба.
Овој многу редок модел, купен во јуни 2007-ма година, до денес останал сосема недопрен, во оригинално пакување. Аукциската куќа истакнува дека станува збор за фантастично сочуван уред, а заслугата за тоа оди на неговиот претходен сопственик, член на тимот на „Apple“ во времето на лансирањето на првиот „iPhone“.
Наместо очекуваните 50 до 100 илјади долари, за овој модел на „iPhone“ непознатиот купувач одлучил да плати дури 190.372 долари.
Ново на Сител
-
Сиљановска - Давкова од Тирана: Посериозна препрека е билатерализацијата на интегративниот процес од самите балкански соседи
-
MEF25: Енергетската транзиција е политички, економски и генерациски предизвик
-
ФПН во Белград, по анонимна и лажна дојава за бомба: Никој да не биде во зградата на факултетот на 17 јуни
-
Г7 договори нацрт-изјава за Израел и Иран, но Трамп најверојатно нема да ја потпише
-
Муцунски: Работиме на засилување на динамиката на средби со официјална Софија
-
ЕХФ му изрече двегодишна суспензија на грчки АЕК, парична казна за Алкалоид
-
При израелски напад погодена иранската државна телевизија
-
Захарова: САД ја откажаа средбата со Русија за нормализирање на работата на дипломатските мисии