Илјадници лица евакуирани во северна Австралија поради приближувањето на циклонот Деби
Илјадници лица, вклучувајќи туристи беа евакуирани денеска од крајбрежните градови во северна Австралија поради приближувањето на силниот циклон Деби, јави ДПА.
Се очекува циклонот да стаса до Северната територија на Австралија утре наутро, со ветрови со брзина до 240 км/ч по линијата на крајбрежјето, долга 100 километри, соопшти метеоролошката служба.
Премиерот Малком Трнбол предупреди дека луѓето кои живеат во областите каде што се очекува да погоди циклонот, треба да одат на безбедно место.
- Добивме официјална наредба за евакуација и заедно со своите семејства треба веднаш да се евакуираат, рече тој. Федералната влада и силите за одбрана тесно соработуваат со провинциската влада за да реагираат на природната стихија, додаде Трнбол.
Циклонот се формираше пред неколку дена на отворено море, во близина на брегот на Квинсленд и се очекува на копно да стаса утре наутро.
Евакуирани се 3.500 лица од градовите Хоум Хил и Прозерпајн, на стотина километри од туристичкиот град Таунсвил. Наредба за евакуација ќе биде издадена и за други 2.000 лица. Затворени се стотина училишта.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување