Илинден се одбележува во сите градови низ Републиката

Освен во Крушево, на Мечкин Камен, во Пелинце, Скопје и Смилево, каде беа организирани официјалните чествувања, Илинден се одбележува и во Охрид, Струмица, Тетово, Крива Паланка, Делчево,…

Големиот национален празник го слави и дијаспората.

Делегации на Владата, Собранието, Кабинетот на претседателот на државата и политички партии положија цвеќе пред почивалиштата и спомениците на паднатите борци од двата Илиндена, оддавајќи им почит.

Иако упатена од различни места, заедничка беше пораката на претседателот Стево Пендаровски, премиерот Зоран Заев и претседателот на Собранието Талат Џафери, дека е време за внатрешно помирување и дека сите сме деца на Илинден. Имаме една, заедничка земја и сите сме одговорни да ја чуваме и развиваме, за нас и за идните поколенија. Тоа е долг кон сите што се бореа за нашата независна и автономна Република, истакнаа Заев, Пендаровски и Џафери.