ИК: Утре ќе се одржат повторените претседателски избори во Кенија
Како што беше планирано, утре ќе се одржат повторените претседателски избори во Кенија, соопшти Изборната комисија.
Соопштението од Изборната комисија доаѓа откако денеска Врховниот суд објави дека поради немање кворум не може да ја разгледа жалбата, поднесена во последен момент, со која се бара одложување на изборите.
Претседателот на Врховниот суд Давид Марага се појави сам во судската сала и соопшти дека само тој и уште еден судија дошле на седницата. Ноќта пред седницата беше застрелан возачот на еден од судиите, што медиумите го протолкуваа како закана по судскиот систем.
Стотици жени со бели шамии се собраа пред зградата на судот, од каде повикаа на мир во момент кога тензиите во Кенија се зголемени. Приврзаниците на претседателот Ухуру Кенијата радосно ја дочекаа веста дека утре ќе се одржат изборите. На други места во Најроби се собраа приврзаници на опозицискиот лидер Раила Одинга, кој најави дека ќе ги бојкотира изборите.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228