И Индија најави вакцина против Ковид-19 до крајот на годината
До крајот на годината и Индија ќе има вакцина против Ковид-19, изјави денеска индискиот министер за здравство Харш Вардан.
-Еден од нашите кандидати за вакцина против Ковид-19 е во третата фаза од клиничките испитувања. Убедени сме дека вакцината ќе биде развиена до крајот на оваа година, рече министерот, пренесува Си-Ен-Ен.
„Среќен сум што можам да кажам дека во осмиот месец од битката Индија има најдобра стапка на заздравување од околу 75 проценти. Вкупно 2,2 милиони пациенти закрепнале и заминале дома, а наскоро уште 700.000 ќе бидат излекувани“, додаде министерот.
Пациентите во Индија со благи и умерени симптоми не се сметаат за активни по 10 дена од појавата на симптомите доколку исполнуваат одредени услови. Не им е потребен тест како потврда дека веќе немаат вирус. Тешките случаи можат да бидат отпуштени од болница со само еден негативен тест.
Индија има 1.500 лаборатории за тестирање на вируси.
Земјата денеска ја надмина бројката од три милиони потврдени случаи на коронавирус, откако беа соопштени новите 69.239 инфекции, наведе индиското Министерство за здравство.
Ново на Сител
-
Познати се полуфиналните пресметки во ракометната лига на шампиони
-
Србија, Хрватска и Словенија во финалето на „Евросонг“
-
Македонските ракометари вечерва го стартуваат мундијалскиот бараж против Фарски Острови
-
Не е почнато навреме гласање на едно место во Тетово поради апаратот за идентификација
-
Русија утринава почнала масовен ракетен и напад со дронови врз Украина
-
ЛШ: ПСЖ ја пречекува Борусија и се надева на второ финале
-
„АстраЗенека“ ја повлекува од пазарот во ЕУ својата вакцина против Ковид-19, неколку месеци по признавањето за нуспојави
-
Одложено судењето на Трамп за тајните документи, датум за продолжување на процесот не е утврден