Хрватска и Србија финалисти на СП во ватерполо
Репрезентациите на Хрватска и на Србија ќе играат во финалето на Светското првенство во ватерполо што се одржува во Казањ. Двете селекции синоќа во полуфиналните дуели остварија победи.
Олимпискиот шампион Хрватска дури по изведувањето пенали ја совлада Грција со 15:13 откако претходно резултатот беше 10:10. Голманот на Хрватска Јосип Павиќ успеа да одбрани еден пенал, додека неговите соиграчи ги реализираа сите пет. Хрватска така успеа по три последователни порази во полуфинале, да се избори за натпреварот за златниот медал.
Во второто полуфинале Србија ја победи Италија со 10:6, а победата ја обезбеди во првиот дел откако на полувремето водеше со 8:2.
Со пласманот во финалето Хрватска обезбеди учество на ОИ во Рио, додека Србија тоа го направи со освојувањето на титулата во Светската лига, тоа значи дека и победникот во „малото финале“ ќе се пласира во Рио.
Финалето Хрватска – Србија ќе се игра во сабота, а во дуелот за бронзениот медал ќе играат Грција – Италија.
Ново на Сител
-
Трамп: Системот „Златна Купола“ бесплатен за Канада ако се приклучи на САД
-
Синер за ЛШ: Ќе биде одлично доколку победи Интер, но ќе бидам среќен и за Донарума
-
Национална конференција „Продуктивноста и нејзините главни двигатели за економски раст и конкурентност“
-
Сиљановска-Давкова во работна посета на Казахстан, денеска на средба со претседателот Касим-Жомарт Токајев
-
Пред пратениците Предлогот за именување гувернер на Народната банка
-
Променливо облачно со сончеви периоди
-
Кражба во црквата “Св. Спас” во Сопиште, приведени двајца скопјани
-
САД повеќе не препорачуваат вакцини против Ковид-19 за бремени жени и здрави деца