Хрватска го освои бронзениот медал

Ракометарите на Хрватска го освоија бронзениот медал откако попладнево во „малото финале“ го совладаа Исланд со 34:33. Ова за Хрватска е четврти бронзен медал на европските првенства.

Хрватска водеше во најголемиот дел од натпреварот, а на средина од првиот дел имаа и позитива од +6 (12:6). Во финишот на дуелот Хрватска имаше и пет голови позитива + 5 (31:26), но Исланд не се предаде особено што голманот Халгримсон одбрани два седмерци во последните пет минути. Исланд намали на еден разлика 33:32, но во последниот напад Хрватска преку Филип Главаш стигна до предност доволна за бронзен медал.

Најдобар на натпреварот беше Тин Лучин со 9 голови и 9 асистенции.