Христијани нападнале муслимани во Папуа, Индонезија

Завршувањето на рамазанскиот пост и почетокот на големото славје на муслиманите во Индонезија започна со напад на припадници на локалната христијанската мнозинска заедница на група од над 200 муслимани кои биле кон џамијата.

Инцидентот се случил на крајниот исток на индонезискиот архипелаг, во делот на островот Папуа кој и припаѓа на Индонезија.

Христијаните фрлале камења врз групата муслимани, извикувајќи дека не дозволуваат муслимански обред во областа Толкара, каде што христијаните се доминантно население. Група демонстранти, христијани, подметнала пожар во џамијата.

Припадници на полицијата и војската, со предупредувачки истрели, интервенирале десетина минути по започнувањето на инцидентот. Муслиманите, под вооружена придружба, биле однесени во касарната на областа Толикара, каде што им биле обезбедени услови за да ја извршат големата молитва пред почетокот на Бајрам, во овој дел на светот наречен Идул Фитри.

Индонезија, со 256 милиони жители е држава во која околу 75 посто од населението се припадници на муслиманската вера. Државата е позната како пример за меѓуверската толеранција, но оваа состојба во последните десетина години ја нарушуваат радикали и екстремисти од двете страни.