Хорор во тетовско: Го пикнал во своето “БМВ“, го избодел и го ограбил

Ноќеска, 20 минути по полноќ, во с.Боговиње, тетовско, А.Н. извршил разбојничка кражба над М.И.(33) од с.Добридол, гостиварско.

М.И. со сопственото патничко моторно возило бил паркиран во близина на амбулантата и во еден момент до него се паркирало возило „БМВ“ со тетовски регистарски ознаки. 

Од возилото излегло непознато лице, кое се претставило како А.Н., и го прашал кого чека тука, по што му наредил да влезе во неговото патничкото возило. Откако двајцата влегле во  „БМВ-то“, А.Н. насилно му одзел мобилен телефон и 800 денари.

После тоа го стартувал возилото, застанал на друга локација и со нож му нанел повреди на М.Н. во пределот на челото и раката. 

М.Н. успеал да излезе од возилото и да побегне. Истиот бил пренесен во Клинички центар Тетово каде му се констатирани телесни повреди и бил пуштен на домашно лекување. 

Увид на местото на настанот извршила увидна екипа од СВР Тетово. 

Се преземаат мерки за пронаоѓање на сторителот и за целосно расчистување на настанот.