Хорор: Мајка го убила своето петгодишно дете

Жена на возраст од 25 години е уапсена денеска во Виена под сомнение дека го убила своето 5-годишно синче во нивниот стан во виенската општина Фаворитен.

Жената синоќа сама се пријавила во полиција и го признала злосторството по што полицијата извршила претрес на нејзиниот стан и на креветот под ќебе го пронашла безживотното тело на детето.

Убиството се случило пред неколку дена, а точната причина за смртта ќе се утврди со обдукција.

Медиумите објавија дека се работи за самохрана мајка по потекло од Босна, која во Виена живеела сама со синот додека таткото останал во Босна.

Полицијата исто така го истражува и мотивот за злосторството како и психолошката состојба на младата мајка.

Одредено време пиела и силни лекарства, соопштија од полиција.