-->
-->
Хасан: Турција е еден од најголемите инвеститори во Северна Македонија, очекуваме бројката да расте
-->
Министерот без ресор задолжен за странски инвестиции Елвин Хасан денеска во Гевзе, Турција оствари средби со две турски компании кои имаат реализирано инвестиции во Северна Македонија.
На средбата, како што соопшти прес-службата на министерот за странски инвестиции, било изразено задоволство од соработката, од двете страни, а министерот Хасан им укажа дека тие се само почетокот на она што следи, а тоа се новите инвестиции кои ќе се реализираат преку нив.
-Бизнис климата во Северна Македонија е навистина привлечна за странски инвеститори, а изборот на овие компании е доказ за тоа. Северна Македонија отсекогаш и во секој поглед добива поддршка од Турција, поврзаноста на двете земји и народи уште од минатото продолжува до денес, Турција е еден од најголемите инвеститори во Северна Македонија, а бројката очекуваме да расте, посочи министерот Елвин Хасан.
Пурпласт е компанија од автомобилска индустрија, која скоро потпиша договор за закуп на градежно земјиште. Фабриката ќе се гради во ТИРЗ Скопје 2, а ќе почне со работа наредната година. Пурпласт имаат свои фабрики во Република Турција, а компанијата која ќе ја градат во Северна Македонија им е прва инвестиција надвор од Турција. Почетната инвестиција ќе биде пет милиони евра, а ќе се отворат 100 работни места во првата фаза, се очекува да се развиваат повеќе фази. На средбата беше споделено дека Северна Македонија се покажала како најдобар избор во конкуренција со пет други земји кои биле разгледувани за реализирање на оваа инвестиција. Министерот Елвин Хасан го истакна своето задоволство од изборот кој го направиле и им се заблагодари за дадената доверба.
Втората компанија е за производство на жици и кабли која произведува за автомобилски потреби. Мурат Тиџарет Кабло е компанија која во 2017 година почна со градење на компанија во ТИРЗ Скопје 1. Нивната инвестиција чинеше 6,6 милиони евра, а имаат вработено 300 лица. бк/вј/
-->
-->
-->
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња