Харадинај: Дијалогот со Белград треба да продолжи, но без условувања и одлагања
Косовскиот премиер во оставка, Рамуш Харадинај вели дека се согласува дека е потребно нормализирање на односите меѓу Косово и Србија, но смета дека за постигнување на таа цел е потребен дијалог без условувања и без одлагања, јави дописникот на МИА од Приштина.
Харадинај на Твитер повтори дека крајниот исход од тој дијалог меѓу Приштина и Белград треба да биде меѓусебното признавање на двете држави во рамки на постоечките граници.
– Се согласувам со неопходноста од нормализирање на односите меѓу Косово и Србија. Владата им го претстави на Квинта и на Европската унија нацртот на сеопфатниот договор во кој се опфатени незавршените теми за меѓусебно признавање во постоечките граници. Повторно нагласувам – дијалог без услови, без одлагања, порача Харадинај.
Амбасадите на петте највлијателни држави акредититрани во Приштина, Соединетите Американски Држави, Германија, Италија, Франција и Обединетото Кралство, познати како „Група Квинта“, побараа од Косово и Србија веднаш да го продолжат дијалогот за нормализирање на односите. Во вчерашното соопштение, кое во името на петте држави го објави Амбасадата на САД, од Приштина е побарано да ја укине таксата од 100 отсто на српскиот увоз, додека од Белград да престане со кампањата за повлекување на признавањата на независноста на Косово.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата