Хамилтон потсети на своите најдобри денови, ќе стартува прв во Унгарија

Возачот на Мерцедес, Луис Хамилтон, ја освои пол-позицијата пред Големата награда на Унгарија, 11-та трка од овогодинешниот шампионат во Формула 1.

Седумкратниот светски шампион ја освои својата прва пол-позиција на Хунгароринг од ноември 2021 година, а 104-та во кариерата со предност од само три илјадинки пред светскиот првак Макс Ферстапен кој имаше серија од 6 први стартни позиции. 

Она што беше најавено вчера дека Верстапен и Хамилтон се единствените кандидати за првото стартно место беше потврдено и денеска па љубителите на формула -1 со нетрпение очекуваат дали Британецот утре ќе направи екстра изненадување со триумф на Хунгарорин. 

Притисок се очекува да направат и пилотите на Мекларен Ландо Норис и Оскар Пјастри кои се стабилизираа на втората стартна линија пред Џоу, Леклер, Ботас , Алонсо и Перез кој постигна дури деветто време по вредност.