Хакери на Твитер повикале на убивање муслимани
Хакери ги нападнале профилите на шведската Социјалдемократска партија и објавиле порака „Убијте ги сите муслимани“.
Раководството на шведските социјалдемократи, најголемата политичка партија во коалициската Влада на таа скандинавска земја, соопшти дека хакерите синоќа, два часа по полноќ, влегле во службениот налог на партијата на Твитер, а контролата врз страницата е вратена дури утрово во девет часот.
Страницата на шведските социјалдемократи на Твитер ја следат речиси 850.000 корисници на таа социјална мрежа.
Хакерите, исто така, објавиле и лажни вести, како на пример дека шведскиот премиер и лидер на Социјалдемократската партија Стефан Ловен си заминал од функцијата и почнал да работи како поручник во војска.
Во еден од твитовите, хакерите напишале дека е легализирана продажбата на наркотици во Шведска.
Портпаролката на партијата, Аса Содерен подоцна истакна дека пораките кои се објавени при кибер-нападот немаат никаква врска со политиката на социјалдемократите.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар