Грција им плати на ММФ и ЕЦБ

Грција денеска почна да ги плаќа своите обврски кон кредиторите, јави државната новинска агенција АНА-МПА.

Грчката Канцеларија за општо сметководство издала наредба за исплата на околу две милијарди евра на ММФ, 4,2 милијарди евра на ЕЦБ за долг кој доспева денеска, и околу 500 милиони евра на Централната банка на Грција.

Средствата се дел од преодниот заем од седум милијарди евра од ЕСМ, обезбедени во рамките на договор меѓу Грција и нејзините доверители.