Грчките медиуми за синоќешното гласање во Бундестагот
„Германија: Зелено светло од Парламентот за пристапни преговори на Северна Македонија и Албанија“; „Европски тепих за Северна Македонија и Албанија поставува германскиот Парламент“; „Германско „да“ за Скопје и Тирана“; „Албанија и Северна Македонија добија зелено светло од германскиот Парламент“; „Германците велат „да“ за почеток на интеграција во ЕУ на Северна Македонија и Албанија“, се дел од насловите во онлајн изданијата на грчките медиуми во однос на синоќешното гласање во Будестагот за отпочнување пристапни преговори со ЕУ за Северна Македонија и Албанија, jави дописничката на МИА од Атина.
Медиумите во Грција го пренесуваат опширниот текст на грчката новинска агенција АНА-МПА под наслов „Зелено светло од Бундестагот за почеток на пристапни преговори со Албанија и С.Македонија“.
-Зелено светло на германската влада да се согласи со почеток на пристапни преговори на Европската унија со Албанија и Северна Македонија, со широко мнозинство, даде доцна вечерта во четвртокот федералниот Парламент, гласајќи за заедничкиот предлог доставен од пратеничките групи на владината коалиција. И во двата случаја беше потенцирано дека не станува збор за интеграција на земјите, туку за почеток на долг процес, кој веројатно ќе доведе до интеграција, пишува грчката новинска агенција АНА-МПА на почетокот на текстот.
Во продолжение детално се пренесени ставовите на германските партии за време на расправата, како и резултатот од гласањето.
Ново на Сител
-
Гордана Сиљановска Давкова и официјално претседател на државата, ДИК објави конечност на изборните резултати
-
Партијата на пензионери ја честита изборната победа на Коалицијата „Твоја Македонија“
-
ДИК треба да објави конечност на резултатите од претседателските избори и потоа да достави извештај до Собранието
-
ЕК: Србија и Косово ризикуваат да ги пропуштат средствата од Планот за раст поради недостиг од дијалог
-
Белата куќа „загрижена“ за Рафа, но се уште не гледа „голема“ израелска операција
-
Сообраќајот на државните патишта се одвива непречено
-
Променливо облачно и потопло со сончеви периоди
-
ВМРО-ДПМНЕ демантира дека разговара за ресори и поделба на власта со „Вреди“