Грчкиот премиер на средби со лидерите на партиите за правото на глас на Грците кои живеат во странство
Законот што го подготвува грчката влада за правото на глас на Грците кои живеат во странство е темата за која грчкиот премиер Кирјакос Мицотакис ќе разговара на одвоените средби со лидерите на политичките партии закажани за во текот на денот, jави дописничката на МИА од Атина.
За законот да може да стапи во сила на следните избори, потребно е да добие двотретинско мнозинство во Парламентот, односно поддршка од 200 пратеници, па затоа Мицотакис ќе разговара со лидерите на партиите за постигнување консензус.
Првата средба на грчкиот премиер, која што е во тек е со неговиот претходник, лидерот на СИРИЗА, Алексис Ципрас, потоа ќе се сретне со претседателката на Движење на промена, Фофи Генимата, а во попладневните часови ќе разговара со претседателите на Комунистичката партија, на Грчко решение и на МЕРА25.
Нова демократија и СИРИЗА имаат различни ставови и несогласувања во однос на тоа како би се броеле гласовите на Грците кои живеат во странство.
Портпаролот на грчката влада и заменик министерот под премиерот, Стелиос Пецас, непосредно пред почетокот на средбите на Мицотакис изрази надеж дека ќе се постигне консензус.
-Премиерот Киријакос Мицотакис презеде иницијатива да се сретне со политичките лидери за да им олесни на Грците во странство да гласаат од нивното место на живеење. Се надеваме дека денешната иницијатива за ова важно прашање што се однесува на стотици илјади Грци ќе биде успешно остварување консензус и нема да се претвори во комуникациска игра, рече Пецас.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување