Свет
26. March 2022 - 18:04

Градоначалникот на Чернихив вели дека градот е целосно уништен

Градоначалникот на Чернихив изјави дека овој северен украински град е уништен од руските војници.

– Градот е целосно уништен, рече денеска Владислав Атрошенко, додавајќи дека во изминатите неколку недели убиени се над 200 цивили.
Градот, кој се наоѓа во близина на границата на Украина со Русија и Белорусија, сега има само половина од вообичаените 285.000 жители, рече тој.

Атрошенко ги опиша моменталните услови во градот како катастрофални. Чернихив беше без струја, рече тој, и беше невозможно да се воспостават коридори за евакуација бидејќи руските сили го уништија мостот што води кон Киев. Сепак, градот нема да се предаде, вети Астрошенко.