Гори столарска работилница во Скопје - 15 пожарникари се борат со пожарот

Утринава избувна пожар во столарска работилница во скопското село Шишево, за среќа во несреќата нема повредени. 

Од Територијалната противпожарна бригада на Град Скопје за МИА изјавија дека се уште е активен пожарот и оти се интервенира со шест возила и 15 пожарникари. Побарана е и помош од Комунална хигиена за дотур на вода.

Материјалната штета допрва ќе се утврдува.