Гори на непристапен терен под Солунска глава
Гори ниска трева и нискостеблеста борова шума на непристапен стрмен терен на карпите под Солунска глава од десната страна над изворите на реката Бабуна, на над 2000 метри надморска височина. Пожарот избувна во петокот над селата Горно Врановци и Горно Јаболчиште и се прошири нагоре.
Од Шумското стопанство „Бабуна“ од Велес и Општина Чашка од надлежните бараат помош во гаснење на овој пожар кој вчера не се гасеше. Од ЦУК информираат дека причината е поради високата надморска височина поради што е тешко и ризично гаснење со воздухоплови заради силните воздушни струења и исклучително стрмниот терен.
Како што информираат од ЦУК, стапено било во контакт со дежурниот на „Солунска глава“, а кои во координација со припадници на Армијата стационирани во базата на „Солунска глава“ од терен известиле дека не може да се утврди точната површина зафатена со пожарот.
-Горе дува североисточен ветер со брзина од 50 до 60 километри на час и не може да се процени дали постои опасност за негово проширување. Од наша страна се известени Дирекцијата за заштита и спасување, контакт лицето од Општина Чашка и градоначалникот на Општина Чашка, појаснуваат од Центарот за управување со кризи.
Ново на Сител
-
„Данас“/Соговорници: Вучиќ покажува дека ја презира работничката класа
-
Земјотрес од четири степени во поширокото подрачје на Лос Анџелес
-
Русија достави резолуција до ОН за забрана на оружјето во вселената
-
При уривање на автопат во јужна Кина загинаа 36 лица
-
Уште пет дена кампања за претседателските и парламентарните избори
-
Советот за човекови права на ОН ќе расправа за состојбата во Северна Македонија
-
Велики четврток - почнуваат велигденските празнувања
-
Во Србија продолжува парламентарна расправа, се чека гласање за новата влада