Ѓоковиќ со победа над Алкараз обезбеди финале на Завршниот мастерс во Торино
Новак Ѓоковиќ преку Карлос Алкараз избори пласман во финалето на Завршниот мастерс во Торино. Негов противник во обид да ја освои рекордната седма титула на овој турнир ќе му биде домашниот фаворит Јаник Синер, кој претходно го победи Данил Медведев.
Публиката во Торино очекуваше уште еден епски меч, какви што беа нивните соочувања во Мадрид, Вимблдон и Синсинати, меѓу првиот и вториот играч на АТП листата, но доби „one man show“.
Ѓоковиќ славеше за само 88 минути со 6:3, 6:2 и само потврди дека Алкараз не е на потребното ниво во финишот на сезоната.
Неверојатно сигурен беше Ѓоковиќ во текот на целиот меч. Му дозволи на Алкараз две брејк топки во првиот гем и уште две во шестиот гем од вториот сет. Четирите брејк топки ги спаси со добри сервиси.
Од друга страна Србинот дојде до брејк во седмиот гем од првиот сет, а потоа во третиот и седмиот гем од вториот сет.
Нестварно делува податокот дека Ѓоковиќ во текот на целиот меч имаше само осум неизнудени грешки, Алкараз имаше 14 повеќе.
Финалето Синер-Ѓоковиќ, утре ќе започне во 18 часот.
Ново на Сител
-
Обид за атентат врз словачкиот премиер по состанок на Владата
-
Нетанјаху ја отфрли Резолуцијата на ОН за поддршка на признавањето на палестинската држава
-
Часовници на Шумахер продадени на аукција за 4,1 милион евра
-
Намалени производството и продажбата на шумски производи
-
Тинејџерка со автомобил излетала од патот, тешко повредена сопатничката
-
За 216,2 отсто зголемени откупот и продажбата на земјоделски производи
-
Закани кон претседателката на Уставен суд Добрила Кацарска, пријавено во МВР
-
Совет на Европа: Македонските затвори се почисти, но во нив и натаму има корупција и лош третаман