-->
-->
Ѓоковиќ елиминиран во Дубаи, Медведев прв светски рекет
-->
Чехот Јиржи Весели го подобри скорот против Новак Ѓоковиќ на 2-0 откако успеа со 6:4/7:6(4) да го совлада Србинот во четврт-финалето на Дубаи-шампионатот и така гарантира Русинот Данил Медведев (кој игра во Мексико) да се искачи на првото место на АТП-листата од понеделник.
По двете релативно лесни победи во Дубаи, се очекуваше Ѓоковиќ да има лесна задача против 123-рангираниот Весели, но Чехот беше загреан за победа од почеток. ој направи брејк уште во првиот гем од мечот, но Ѓоковиќ се врати во четвртиот гем да израмни на 2:2 пред во маратонскиот седми гем Весели пак да направи брејк за да го освои првиот сет.
Во вториот сет Весели, пак, направи брејк за 4:3 водство, но Србинот се врати за драматично израмнување пред да колабира во тај-брејкот.
Данил Медведев на 28 февруари ќе стане третиот Русин што бил светски број 1 по Евгениј Кафелников и Марат Сафин прекинувајќи ја рекордната низа на Ѓоковиќ од 361 недела на врвот на листата вклучувајќи ги последните 86 недели.
Медведев исто така е првиот тенисер покрај Ѓоковиќ, Роџер Федерер, Рафаел Надал и Енди Мареј, кој е на првото место на АТП-листата по Енди Родик на 1 февруари 2004 година.
-->
-->
-->
Ново на Сител
-
Татко од струшко село со дрво ја тепал ќерка си
-
„Студентски отпор“ најави протести доколку не им се исполнат сите барања
-
Двајца малолетници тешко повредени во сообраќајка на регионалниот пат Скопје – Тетово
-
Тенисери местеле за 400 до 2000 евра
-
МОТО ГП: Започнува новата сезона
-
Аргентинците го поздравија рекордот на Меси
-
Во Србија зголемена цената на патарините
-
Беира Салифова, со целосно оштетен вид, го одбрани првиот дипломски труд на Брајово писмо во Македонија