Ѓоковиќ: Целта ми е настап на ЛОИ 2028

Српскиот тенисер Новак Ѓоковиќ изјави денеска дека неговата цел е да настапи на Летните Олимписките игри (ЛОИ) во Лос Анџелес, кои ќе се одржат во 2028 година.

„Навистина, сакам да продолжам. Реков дека мојата цел е Лос Анџелес во 2028 година и Олимписките игри. Но, знаете што, нема ограничување за мене. Ќе видиме. Знаете што мислам? Јас само продолжувам. Обожавам да ја удрам тениската топка и сакам да се натпреварувам. Им кажав на момците со кои разговарав, големите имиња во фудбалот, дека навистина сè е околу страста и љубовта. Сè додека навистина чувствувате дека играте на високо ниво и вашето тело ве служи – зошто да не“, истакна 38-годишниот Ѓоковиќ во изјава која ја пренесуваат српските медиуми.

Ѓоковиќ во моментов се наоѓа во Дубаи, каде во неделата му беше врачена наградата „„Globe Sports Award”за достигнувања во спортот.

„Продолжувам да придонесувам во светскиот тенис. Доаѓаат големи промени и сакам да бидам дел од нив. Продолжувам да се грижам за тоа како помладите генерации ме перципираат, не само поради резултатите, туку и поради мојот карактер и вредности“, додаде Ѓоковиќ.

Српскиот тенисер е носител на златниот медал од Олимписките игри во Париз 2022.

МИА