Гарсија: Игравме против „Вонземјани“!!!

Тренерот на Рома, Руди Гарсија, смета дека било невозможно неговиот тим да одигра добро во Барселона. Рома, во петтото коло во Лигата на шампионите, загуби на „Ноу Камп“ со 6:1. И покрај убедливиот пораз Рома ги задржа шансите за пласман во осминафиналето, за кое во последното коло ќе и треба победа над БАТЕ Борисов.

 

„Тие се феноменални и непобедливи. Ни беше потребно чудо кое не се случи. Во овој момент е невозможно да се игра против нив. Постигна неколку феноменални голови, погледнете го само третиот гол на Суарез. Никој не може да го сопре“, рекол Гарсија.

 

Сепак францускиот стратег не е загрижен поради дебаклот, бидејќи неговиот тим судбината за пласман во осминафиналето ја држи во свои раце.

 

„Никој не сака да губи, но Барселона е многу посилен тим. Да постигневме први гол, а имавме шанса, можеби ќе бевме поизрамнети. Пробавме се, да ги притиснеме веднаш, а видовте дека и кога игравме со сите фудбалери позади дека примивме два гола. Нема што да им замерам на моите играчи. Овде едноставно беше невозможно да се победи“, дополнил Гарсија.

 

Во последното коло во Е групата, Рома ќе го пречека БАТЕ Борисов, а Барселона ќе гостува во Леверкузен.