Финансиска поддршка од Македонска Каменица за детската градинка „Бамби“
Општина Македонска Каменица за потребите на детската градинка „Бамби“, а во рамки на едукативните проекти на општината, ќе финансира вработување со полно работно време на наставници по физичко, англиски јазик и логопед.
Како што истакна денеска на прес-конференција градоначалникот Дарко Митевски, општината ги следи трендовите за современа едукација на децата од најмала возраст.
- И оваа година планиравме финансиски средства коишто ќе бидат доделени на детската градинка за ангажирање наставен кадар кој ќе работи со дечињата. Со полно работно време ќе ангажираме професор по физичко образование, кој ќе работи со сите деца, професор по англсики јазик кој ќе работи со поголемите групи, но и логопедот кој досега беше анагажиран со скратено работно време, а сега неговото присуство во градинката ќе биде 40 часа неделно што ќе овозможи подобра работа со дечињата кои имаат проблеми со говорот, истакна Митевски.
Тој додаде дека овие активности се со цел да се овозможи посовремен и поуспешен ран детски развој. - А со тоа придонесуваме да се зголеми и бројот на дечињата во детската градинка. Исто така, ќе го субвенционираме и превозот на децата од селските средини, сѐ со цел, да дојдат дечињата една година пред тргнување на училиште во градинката, за да се адаптираат на оваа социјална средина, истакна Митевски.
Тој најави дека продолжува и поддршката на основното образование, каде општината го финансира целодневниот престој на дечињата и каде е обезбедена бесплатна исхрана за учениците кои доаѓаат од социјално загрозени семејства.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера