Финале во двојки за Ѓорческа во Унгарија

Македонската тенисерка Лина Ѓорческа заедно со Романката Ирина Марија Бара успеаја да се пласираат во финалето на фјучрс турнирот во Унгарија што се игра за награден фонд од 25.000 долари. Ѓорческа и Бара попладнево во полуфиналето ја совладаа руско-словачката комбинација Анастасија Комардина - Ребека Шрамкова со 7:5 и 6:1 во сетови.

Тие утре во финалето ќе играат против Лаура Пигости (Бразил) и Надија Подороска (Аргентина).

Ѓорческа денеска во три сета загуби во 1/4 финалето во сингл поразена беше од Софија Ковалец од Украина со 2-1 во сетови. За пласманот во 1/4 финалето доби 9 поени.