ФА Куп: Лидс Ј. на Алиоски поразен од Арсенал

Реис Нелсон го постигна единствениот гол во дуелот од третото коло од ФА купот помеѓу Арсенал и Лидс јунајтед, користејќи грешка на одбраната на гостите, кои имаа поголем дел од играта во текот на целиот меч и совршена шанса преку македонскиот репрезентативец Езѓан Алиоски.

Второлигашот Лидс имаше фантастичен почеток на мечот, со посед од над 60 отсто во првите 20 минути игра, но не успеваа да стигнат до гол во завршницата. Во 33. минута, Алиоски направи „тревога“ во одбраната на „топчиите“, по која Сократис и голманот Дамијан Родригез мораа да интервенираат да спречат гол.

Во второто полувреме, Арсенал почна да се „буди“, и во 49. минута, Александер Лаказет ја погодува пречката од слободен удар, за во 54. минута да стигнат до гол откако по нафрлањето на Лаказет, топката некако стигна до Нелсон, кој ги казни гостите.

Арсенал во четвртото коло гостуваат кај уште еден премиерлигаш, Бурнемаут.